Telearuba2009 (1).png
  • Facebook
  • Twitter
  • YouTube
  • Instagram

Nos tur por lanta un dia y tin mal beis, pero tin hende ta biba cu mal beis y amarga. Hopi biaha nan ta trece nan mal beis y amargura na trabou. Un persona amarga bo ta reconoce door cu semper su cara ta rabia, nunca e ta saluda cu alegria, e no ta socialisa cu niun colega, casi nunca e ta hari, pa tur cos chikito e ta hasi un problema, semper e ta keha cu e traha hopi y wordo paga tiki, e no ta contento cu logro di un otro persona, semper kier trece problema entre colega cu colega. Si abo por mira un colega of un hefe bou di e puntonan meciona ariba anto oficialmente bo tin un colega of hefe AMARGA. Con abo mester "deal" cu un situacion asina? Prome cos ta reconoce ken rond di bo ta amarga pa bo no bay pensa cu ta pa bo via e ta asina pasbora hopi biaha e persona amarga tin problema sea na cas of cu su mes. Pa di dos nunca laga su mal beis afecta esun di bo, keda cuminda cu alegria maske cu bo no ta haña contesta bek, purba evita di ta rond di un persona asina. Keda semper positivo y wak e bon den e persona y no e malo. Conseha e persona na un bon manera pa busca un ayudo profesional. Un persona amarga of cu mal beis por daña ful e ambiente di trabou cu na su turno ta baha e productividad di e compania, mas aun si e persona cu mal beis of amarga ta un cara di un compania por ehempel un cashier un telefonista, un secretaria, un recepcionista ta trabounan cu ta topa cu e cliente directamente. Nunca hiba bo problema personal trabou, keda semper contento y trata tur bo colega nan bon, pasobra bo ta mas ora na trabou cu bo colega nan cu cualquier otro hende durante un dia.

Click Logo

16406470_1287041878049243_65159425473883