Sera conoci cu Enmanuel Jiménez “Ala Jaza” cu lo presenta den ASMF 2019.

ORANJESTAD--Enmanuel Jiménez a nace na Santo Domingo pero a biba semper na Jarabacoa. Emanual a bira mundialmente conoci cu e nomber Ala Jaza. Su Tata cu tambe ta un cantante ta su prome profesor musical. Cu 13 aña su tata a disidi di bai biba cu full su famia na New York. Na New York Enamnuel a disidi di sigui su carera profesional como un bajista grabando cu diferente artista. Despues di un tempo su pasion pa sound engineering a nace. E la mix diferente album pa artista manera Don Omar, Luny Tunes, Daddy Yankee, Henry Santos.Despues di a traha como bajista i coro pa e grupo musical Aventura Enamnuel a disidi di lansa su mes como solista den e genero di Merengue. Na 2017 e nomber Ala Jaza ta bira conoci internationalmente door di e album “En Vivo”. Na 2018 Ala Jaza ta graba un version mambo di a cancion Mi forma de ser di Farruko cu ta bira un hit mundial. Na 2019 Ala Jaza ta bolbe score musicalmente cu “Nadie se meta”, “Culpable” i “Ta’mo bien”. Ala Jaza a graba tambe un version nobo di e cancion “Huela a soledad” hunto cu Ana Gabriel. Considera e creador di e ritmo Mernegue Urbano “Mamwali” i un e artista cu un futuro grandi su dilanti cu diferente nominacion pa Billboard Latino, Ala Jaza lo ta na Aruba cu su orquesta completo riba tarima pa Aruba Summer Musical Festival 2019.