Telearuba2009 (1).png
  • Facebook
  • Twitter
  • YouTube
  • Instagram

Oranjestad,Aruba--Prensa na Aruba ta cumpra? Un pregunta cu sigur lo bo hasi si bo ta un persona cu ta haña bo noticia via cualkier media local. Den e mundo di awo e manera di hasi noticia na Aruba a cambia.

 

Technologia mes a pone cu mayoria periodista a bira un corant, un television of radio riba su mes. Sea e periodista tin su propio plataforma social of ta traha pa un compania priva of di gobierno e manera di trece e noticia padilanti hopi biaha ta mustra bo cual color politico e of su compania cu e ta traha ta faborece,maske cu abo como periodista no importa pa ken bo ta traha of cual partido ta di bo preferencia ora bo scirbi of papia den un mic bo profesionalismo mester keda resalta door di e manera di trece e noticia sin cambie. Fabor nan (comercial of personal) cu hopi biaha e periodista ta haña serca un politico ta defini con e ta trece su noticia padilanti. Otro nan tin un ideologia partidista asina fuerte cu nan no por scondé ora di presenta of traha un noticia.

 

E wega mental di cambia e noticia pa hasi bo kere e punto di bista cu ta faborece e editor of periodista ultimo tempo nos por mira bin dilanti mas i mas aki na Aruba. Un pais chikito manera Aruba ta hopi dificil pa un periodista keda neutral i hasi su trabou manera debe ser. Tur periodista of media di un of otro manera tin un vinculo sea cu un politico of cu un partido. E tiki periodista cu a purba di ta neutral awe no ta den media mas pasobra e pueblo a custuma caba cu e perdiodismo partidario. Esun neutral sea su audiencia ta asina chikito i no ta haña comercio para su tras i ta muri lentamente i ta sali for di media of e mes ta fada i bai hasi un otro trabou pasbora su noticia no ta yega toch na e peublo.

 

Awo e pregunta cardinal, Aruba kier un media neutral? of nos gusta e periodismo partidista? Mi puntra bo awoki menciona un periodista neutral, bo lo tin cu pensa i bolbe pensa pa duna un contesta. Pasobra no tin of esun cu tin no tin e atencion di pueblo. Pa conclui lo mi contesta e  pregunta cu e articulo aki a cuminsa cu ne. Prensa no ta cumpra, ta e pueblo gusta haña su noticia for di un media partidario. Sin pueblo no tin media i e periodista no lo ta popular, consecuentemente e no por ta partidista. cua ta e periodistanan mas popular na Aruba? Nan ta neutral? Si bo contesta ta no riba e ultimo pregunta anto bo sa con i via ken e pueblo gusta haña su noticia.Di otro banda libertad di prensa no ta djies importante pa democracia, e ta democracia !!! Semper respetando cada ken nan forma di traha, feliz dia di prensa....

 

Skirbi pa Ivo Yanez.

thumbnail_IMG_0787.jpg

Click Logo