• Facebook

Padrastro ta secuestra i viola su propio hijastra di 12 aña i haña 9 yui cu ne. Despues di 20 aña e ta logra scapa.

MEXICO CITY--Henri Piette a busca su hijastra for di scol un dia i nunca mas a hibe cas. Rosalynn Mcginnis tawata den zesde klas momento cu  su padrastro a secuestre i a bai cu ne for di e cuidad cu nan tawata biba cu ta Oklahoma. E abuso sexual a cuminsa for di tempo e mucha tawata tin 10 aña. For di tempo cu Rosalynn a wordo secuestra i hiba pa Mexico a pasa 20 aña i e la haña 9 yui cu su padrastro. E mucha a purba scapa na varios ocacion sin resultado. Mientras e mama tawata buska su yui desesperadamente e padrastro a pone tiña su cabey. Rosalynn no tawata por tin contacto cu niun hende cu no ta lo nesecario, momento cu e kibra su regla e abusador tawata batie cu un bat di Baseball. Durante 20 aña e abusonan a sigui. Tawata un pareja cu a wak e riba kaya ta pidi plaka pa cria su yuinan a disidi di yude cu un compras di un luna. Poco poco e la sera un amistada cu e pareja aki. Ora e padrastro a ripara di amistad e la bolbe muda nan pa un otro cuidad na Mexico. Despues di esaki e pareja a sali en busca di Rosalynn cu a bai for di banda di nan cas sin ningun aviso. Sin perde speransa nan a bin topa cu Rosalynn riba kaya atrobe ta pidi plaka pero den un otro cuidad. Ta e momento ey di e re-encuentro cu Rosalynn a conta nan tur cos. Esey ta momento cu nan a cuminsa preprara su escape di e burdugo cu tawata abusa di dje. Asina nan a logra di bai na embahada Mericano na Mexico cu autoridad a pone fin na un secuestro di 20 aña. E abusador ta enfrentando un sentecia di bida largo.

IMG_6447.jpg

© 2019 by BIG SHOW PRODUCTIONS