Mama ta gaña si yuinan cu e la corta su dede. Video ta bai viral.

Felicity Kane, un usuario cu ta gusta pone joke riba e social media TikTok, a purba di tuma vengansa cu su propio yiunan, Harrison y Finlay. E mama a dicidi di duna di nan propio medicina. E video cu ta circula den social media ta mustra cu e mama a corta punta di un wortel y a forme pa e parce e memei di un di su dedenan di e man drechi. Despues  e mama a pone un sauce cora pa mustra cu tawata sanger. 

For di cushina, e mama a cuminsa grita cu stem desespera na su yiunan, cu di biaha a core bin cerca dje pa wak kiko tawata pasando. na momento cu nan a yega, nan a cuminsa grita di susto, na e momento ey, Felicity a pidinan pa cubri su herida y di un forma inespera su yiu a dune un colado.

“Esey no, esey no, trece algo lihe” e mama a grita, e otro yiu a busca un serbete. Na final, e mes a revela cu tawata djis un joke (pisa).

E video a causa impression di hopi hende, maske algun usuario tawata sinti lastima pa e mucha chiquito. 

​

Wak video 

Click Logo