Telearuba2009 (1).png
  • Facebook
  • Twitter
  • YouTube
  • Instagram

Oranjestad---Mundo di farandula y media na Aruba a keda den shock awe mainta ora cu e presentadora di e programa mas popular na radio mainta, esta Morning Show, a anuncia su retiro live durante programa.

 

Hopi a pensa cu lo tabata un joke pero entre tur comentarionan y post riba rednan social poco poco a cuminsa confirma cu Larissa Bermudez a tuma su decision.

 

“E amor y aceptacion di tur nos oyentenan, nos ‘coolpeople’ nami persona ta loke a motivami pa sigui entrene boso y ta partí di boso mainta pa 6 aña largo”, asina Larissa a expresa mainta na radio.

 

Tur cos ta indica cu e decision aki lo por ta basa riba un malcontento of decepcion di e trato ricibi dor di gerencia y/of con e programa a wordo maneha na Cool FM. 98.9 durante e 6 añanan. “Ta yega un momento unda cu bo ta realisa cu ni maske kico cu bo haci, bo profesionalismo, bo trabou, energia y amor cu bo ta hinca den loke bo ta haci simplemente no ta wordo balora. Eora no ta keda nada otro pa duna bo mes e balor, bisa ayo y sigui explora pa experiencianan nobo pa futuro”, asina e Larissa a sigui bisa.

 

Den e mesun rosea, un proyecto nobo cu Larissa Bermudez a lanza e luna aki ta su canal di YouTube ( https://www.youtube.com/larissabermudez). E proyecto di “vlogging” aki tin su fans cu expectativa halto mirando e exito tras di con Larissa mes ta comparti, entretene y biba cu su followers riba Instagram.

 

E pregunta awor lo bira? Kico lo ta Larissa su proximo paso den media? Aunke e no a menciona specificamente cu e lo bandona mundo di radio por completo, e no ta conocí ainda si e lo tin un otro programa na otro radio of lo ta evaluando otro ofertanan caba.

 

Nos ta desea Larissa Bermudez tur clase di exito y sigur oyentenan lo sinti Larissa su falta masha hopi mes mainta. Mientras tanto nos lo sigui Larissa su pasonan di serca riba rednan social y su vlog riba YouTube.

IMG_5034.JPG