Telearuba2009 (1).png
  • Facebook
  • Twitter
  • YouTube
  • Instagram

Hopi bar y night club na Aruba a sufri perdida financiero hopi grandi relaciona cu ciere dor di covid-19. E sector di bida nocturno ta e prome cu a sera y lo ta e ultimo cu lo habri den e situacion actual. Te ainda Aruba no ta den e fase cu ta permiti pa e bar/clubs habri nan porta, si nan habri mes ta premira cu e medidanan cu lo wordo poni riba e sector aki lo no ta beneficioso pa propetarionan. Hopi di nan ta prefera di keda sera y no habri bou condicionan cu lo duna nan mas perdida cu locual nan tin caba. Tin varios propetario a entrega yabi di e edificio cu nan ta huur y a sera pa semper. Mayoria di e club nan banda di hotel ta depende 90% di tursimo cu pa awo no lo regresa Aruba mirando cu frontera lo no habri pa awo. E bida nocturno lo conoce un cambio grandi na Aruba. E "trend" lo bai den direccion di "house party" fiesta na cas cu banda cobrando pa entrada manera fiesta nan di aña nobo. Esaki ta un trend cu nos ta wak ta tumando lugar caba internationalmente. Ta di spera ora cu Gobierno di Aruba duna lus berde na bida nocturno pa wak con esaki lo cambia na Aruba.

Click Logo

cinema.jpg