Telearuba2009 (1).png
  • Facebook
  • Twitter
  • YouTube
  • Instagram

Gai hiba corte pa bisiña pasobra e ta canta 2 or di marduga tur dia i ta strobe di drumi. Bida di e gai ta den man di un Juez.

FRANCIA--Den un pueblo na Francia tin un disputa andando entre dos bisiña. Un Famia cu ta biba den cuidad a cumpra un cas den campo pa nan por pasa fin di siman i relaja di e desordo di cuidad. Pa nan sorpresa nan cas cu nan cu nan a cumpra den campo a resulta di ta banda di un otro cas cu tin un gai cu ta canta tur dia 2 or di marduga. Esaki a trece un disgusto pa e famia cu a kaba di cumpra e cas den campo aki. Segun e bisiña doño di e gai e no tin niun problema cu su gai cu ta canta 2 or di marduga i cu e no lo deshasi di gai. Esaki a pone cu e doño nobo cu ta bin relaja weekend den e cas na un campo pafo di cuidad a rabia i hiba e bestia corte. Ta prome biaha cu corte na Francia tin un caso asina pa atende. E bida di gai ta den man di un Juez. Activista nan a sali na defensa mesora di e bestia i a bisa, ta un bestia e ta, si su ora di grita ta 2 or niun hende por stop e. Segun e abogado di e doño di gai cu si e persona no kier scucha grito di e gai e sali for di campo bai cuidad bek. Corte na Francia lo tin cu tuma un desicion pronto den e caso particular aki.