Fitville lo ta mas grandi cu nunca e aña aki dianan 27-28-29 September.

Entre 27 cu 29 di September lo tuma lugar e festival mas grandi di Fitness na Aruba, Fitville 2019.
Esaki lo ta un evento di 3 dia di Crossfit cu mas di 180 atleta tanto local como internacional.

E main event lo tuma lugar na Centro deportivo Betico Croes pero tambe tin eventonan special tumando lugar na diferente sitio rond di Aruba.

Entrada pa prome dia lo ta gratis i despues lo bira 5 florin pa e resto di e weekend. Durante e 3 dianan aki lo tin diferente actividad pa ful famia entre otro demostracion di Yoga, Zumba, Disney recreations i actividad nan di deporte organisa pa IBISA.

Tambe lo tin un Food truck village cu diferente truck di cuminda i un vendor village unda lo tin benta y promocion di productonan pa deporte.

Nos ta invita e comunidad di Aruba pa bin presencia e evento aki pa por ser conosi cu e deporte di CrossFit como tambe haña informacion di otro actividadnan asina por hiba un bida saludabel.

Wak video 

Click Logo