• Facebook
  • Twitter
  • YouTube
  • Instagram
Telearuba2009 (1).png

Farukko a wordo permiti pa viaja pa Honduras pero pa Aruba no. Haña sa dikon?

ORANJESTAD--Despues cu promotornan di ASMF 2019 a anuncia cu e artista Farruko no por bin Aruba mas a lanta un cantidad di reaction riba social media. Hopi a te hasta cuestiona cu promotor tawata sa cu e artista no por bin i toch a sigui bende kaarchi.

 

E realidad den e situacion aki ta cu un siman prome Farruko a wordo permiti pa viaja pa Honduras pa un presentacion bou condicion estricto di justicia mericano. E condicion ta e mester viaja comerical i mester entrega su paspoort bek ora di yega Merca. E artista a cumpli cu tur cos i a viaja pa Honduras siman pasa. A base di esaki Promotornan na Aruba a pensa cu tur cos ta ok pa e viaja pa Aruba tambe. Mientrastanto a surgi un desaroyo nobo den su caso, e artista su abogodanan a gana e caso contra estado di merca cu nan mester entrega su paspoort bek i no por wanta su paspoort.Ta pensa cu justicia no a keda contento cu mester entrega Farruko su paspoort bek i a dune un cita te Dialuna atardi pa e haña su paspoort. E artista a presenta na Airport Diasabra mainta pa bula pa Aruba normal manera tawata e afspraak, ta e momento ey nan a informe cu te Dialuna atardi e ta haña su paspoort. Esaki a stroba e artista di viaja pa Aruba.

Ningun momento promotornan tawata na altura cu e no por viaja i mas aun cu nan ta promocionando un tour na Europa. Mirando cu e artista lo haña su Paspoort Dialuna atardi a duna Aruba un fecha nobo cu ta 17 Augustus.