.png)
Facebook ta bai cambia nomber di Instagram i Whatsapp
Click e logo
Cambionan grandi lo bini pa Instagram i Whatsapp. Facebook a anuncia cu nan lo cambia nomber di tur dos. Instagram i Whatsapp ta dos di Facebook su propiedadnan di mas balor, i e cambio di e nombernan ta pa demostra cu Facebook ta doño di nan. Siguiendo e cambio, nan lo ta conoci como "Instagram from Facebook" i "Whatsapp from Facebook."
"Nos kier ta mas cla di e productonan i servicionan cu ta parti di Facebook" un persona di Facebook a comfirma na The Information. Aunke e nombernan nobo lo aparece tambe asina den App Store i Google Play, nan lo aparece mescos cu nan semper ta mane bo download nan den bo telefon. Sikiera pa awo. Ta spera cu Instagram i Whatsapp lo keda traha mescos tambe. Aunke Facebook ta purba di hasie mas conoci cu ta nan ta doño di Instagram i Whatsapp, hopi hende ta bisa cu e cambionan aki lo hasi mas daño cu bon. Facebook su popularidad a baha den e temponan aki, tanten cu Instagram i Whatsapp ta keda hopi popular. Ainda no ta cla ki tempo e cambionan aki lo wordo hasi. Ki bo ta pensa di e cambio aki?