Dwayn Raven a kaba di lansa su videoclip #awo den Ivo 4 life.

ORANJESTAD--E cantante popular di Aruba Dwayn Raven un rato pasa a kaba di lansa den forma exclusivo su cancion nobo #awo. Despues di un tempo cu Dwayne no a lansa production nobo e dia a yega pa lansa e bom musical aki. For di algun tempo pasa kaba riba “social media” por a mira diferente material di promocion di e cancion #awo. Un tremendo cancion canta pa Dwayn Raven i produci pa Jeon i Angelo Dopwell. E mixing a keda den man di Dwight Leoneta. E lansamento a tuma luga den e programa Ivo 4 life atraves di Canal 90 Fm i Telearuba Canal 13. E reaction ta inmenso for di Curacao, Bonaire i Hulanda, sin laga afo tur fanatico di Aruba cu a gusta e cancion masha hopi mes i ta pronostica cu e cancion aki #awo lo ta e next hit musical pa e temporada. Pabien Dwayn Raven cu e monster di hit aki.

© 2019 by BIG SHOW PRODUCTIONS