• Facebook

Sera conoci cu otro artista pa ASMF 2019: Silvestre Francisco Dangond Corrales.

ORANJESTAD--Considera e artista mas grandi di Colombia den e genero di Vallenato: Silvestre Dangond. E ta e artista principal pa e magno evento di Aruba Summer Musical Festival cu lo cuminsa dia 29 Juni proximo. Silvestre a nace dia 12 Mei aña 1980. E artista a nace na Urumita, un pueblo chikito na Colombia. Silvestre a genera su talento danki na su tata, cu ta cantante William José Dangond cu durante decada 70 a graba varios disco. Su Mama tambe ta bin di un famia artistico.
Despues di kaba skol na aña 2002 Silvestre mesora a bai persigui su pasion cu ta musica. Na 2003 Silvestre a sera conoci cu accordionista Juancho de la Sprilla. E mesun aña Silvestre i Juancho a graba e producion musical “Lo mejor para los dos” cu tawata un hit mesora. For di eynan pa awo cada cancion cu Silvestre graba ta bira un hit mesora. Silvestre ta conoci pa su tremendo voz, su energia ariba escenario i un carisma grandi pa su fanaticada cu e mes ta yama Silvestrista. E ta casa cu su amor di tempo di scol Pieri Avendaño i nan tin 3 yui hunto; Luis Jose, Silvestre Jose, Jose Ilvestre. Silvestre lo duna Aruba un show mane nunca antes presenta cu su tema nan nobo pero sin laga afo e clasico nan di tur tempo. Tin un interes enorme pa ASMF 2019. Silvestre Dangond lo presenta Diavierna anochi dia 29 hunto cu e Dominicano Ala Jaza.

IMG_6447.jpg

© 2019 by BIG SHOW PRODUCTIONS