• Facebook

Marco Antonio Solis mas serca cu nunca di presenta na Aruba.

ORANJESTAD--Manera cu nos a publica anteriormente cu e mesun promotor cu a trece Ana Gabriel ta trahando duro pa organisa un magno concierto cu e gran artista Marco Antonio Solis. No ta facil pa tin un artista di talla manera Marco Antonio den concierto. Promotor nan kier ta masha cauteloso cu lanta speransa falso. Sinembargo e soño di hopi hende poco poco ta birando realidad. Mester bisa si cu ainda ta den negosacion cu e team di production di e artista. Permiso na Aruba tambe ta canando hunto cu e negosacion nan. Steve Hudson a confirma na nos cu no ta pasa Dialuna cu e anuncio oficial lo tuma lugar den e programa mas grandi na Aruba Ivo 4 life. Tur fanatico mester keda pendiente pa e siman aki ora cu tur detalle wordo duna i anuncia e concierto oficialmente. Algo cu mester remarca ta cu e artista mes ta entusiasma pa presenta na Aruba, pero su Exigencia ta hopi halto. Un soño cu lo bira realidad di hopi aki na Aruba. Keda pendiente siman cu ta drenta pa e anuncio oficial i mesora informacion di prijs pa mesa i unda por reserva. 

PHOTO-2019-06-01-18-03-29.jpg