• Facebook

E dicho “union ta hasi forsa” ta parse cu no ta aparece niun caminda den e diccionario di nos banda nan na Aruba.

ORANJESTAD--Falta di un organisacion serio pa representa musico nan durante henter aña por ta un factor of cu e musico nan mes tin tanto rabia i envidia riba otro ta pone cu e “union” aki ta mas leeuw nunca. Hopi banda ta hunga bunita riba social media pa hasi comosifuera tur cos ta pinta bon den e mundo di farandula, mientras tanto casi niun banda “grandi” no ta accpeta un combinacion pa toka cu otro.Guerra den prijs pa toka tambe ta hunga un rol den e mundo aki. Banda nan cu antes tawata cobra un dineral pa toka awo ta hanja nan mes ta baha prijs si noh no tin toka. Fiesta nan cu antes ta yena cu 800 pa 900 hende, awoki un fiesta cu 300 hende ta un exito. E propio guerra den farandula a conduci na esaki. E sentimiento di sinti superior na otro a cuasa cu fanatico nan ta alejando mas i mas for di banda nan. Antes pa fiesta por a cobra fls85 pa entreda i yena fiesta, awo cobrando fls25 tin chens cu e fiesta ta keda bashi. Mercado di fiesta ta satura, no tin nada nobo pa e esun cu ta bai fiesta. Tur ora e mesun cos ta djies e tema di fiesta ta kambia, pero semper e mesun musica e mesun cara na e mesun fiesta ta pone cu poco poco e farandula na Aruba ta kai den otro. Mientras tanto observa con prijs nan pa fiesta ta keda baha, luga nan pa fiesta cu banda ta bira menos i bashi.Esun cu ta sali ta prefera bai un caminda cu musica ta varia, drenta pornada i hanja drinks barata i un dama tras di bar pa trate lief den luga di paga fls 85 scucha mesun musica henter anochi i wak e mesun cara nan cu ta bai fiesta tur ora. Te dia cu e banda nan/ musico nan uni di berdad esaki lo kambia. Mientrastanto mayoria banda ta concentra den fiesta priva toka na hotel i leeuw a leeuw saka un production nobo. Promotor nan no kier risca organisa fiesta mas pasobra e banda nan no ta hala e cantidad di hende mas manera antes i cu tur chens cu e promotor ta keda cu debe grandi. Tur esaki pa un capricho i orguyo cu algun musico na Aruba tin. Laga orguyo un banda i cuminsa traha hunto pa biba e farandula di Aruba bek. E trend international awo ta artista nan cu ta invita nan competencia saca cantika cu otro. Cu Romeo Santos mes a graba bek cu Aventura, aki na Aruba algun musico kier “hunga” artista “play” grandi sin wak e realidad cu farandula di Aruba poco poco ta kabando. Laga orguyo i e sentimiento cu bo ta mas cu otro un banda i cuminsa traha cu otro pa cos nan positivo cuminsa pasa riba e tereno di farandula.

© 2019 by BIG SHOW PRODUCTIONS