Celine Dion su ultimo post riba instagram ta un indicacion cu e ta malo?

ONTARIO--Pa e ultimo 16 aña Celine Dione a canta i baila na Caesar Palace Las Vegas. Cu show nan sold out casi tur anochi. Celine a pone un fin na su show na Las Vegas i ta muda pa otro cuidad na Merca. Despues di e anuncio ey cu tawata un shock pa hopi di su fans nan, Celine ta den noticia atrobe despues cu e artista a post un potret riba Instagram cu hala hopi atention. E Artista di 51 aña a post un potret sinta na floor den un mini saya preto cu un top scirbi “FOMO” riba dje, cu ta significa “Fear of missing out”. Hopi di su fansnan a cuestiona con flaco Celine ta mustra ultimo tempo i vooral riba e ultimo potret di su Instagram. Den e comentario  di e potret mayoria fanatico di e artista a puntre si ta malo e ta. Cu e ta mustra mucho flaco. Cu e no ta mustra saludable, ta algun di e comentario nan. No ta prome biaha cu tipo di comentario nan asina ey ta bin padilanti. Durante un anochi di premio un periodista a puntra e cantante direct riba su salud i su aparencia. E cantante a contesta mesora “Mi tin un schedule hopi ocupa i ta hopi druk cu cantamento i bailamento i ta door di esey mi a bira flaco asina. Esun cu gusta mi asina saka mi potret esun cu no gusta mi bira bo cara otro banda, ami ta sinti mi bon asina” e cantante a finalisa bisando e periodista di e revista People. Toch hopi ta keda cuestiona cu Celine ta confrontando problema cu su salud cu e no kier divulga na mundo. Celine lo cuminsa un world tour na September caminda e lo presenta pa prome biaha despues di 16 aña na otro cuidad di merca cu no ta Las Vegas.

© 2019 by BIG SHOW PRODUCTIONS