Telearuba2009 (1).png
  • Facebook
  • Twitter
  • YouTube
  • Instagram

Cada hende ta diferente, pero toch hopi hende ta hasi mesun eror ora ta trata di un relacion. Nos tur kier tin un relacion perfecto y cu no tin discusion. Ban sali for di e punto di bista cu niun relacion ta perfecto.Pero toch tin cosnan cu bo por hasi pa evita discusion cu bo pareha. Algo cu bo por hasi ta anticipa o preveni posibel pleitamento door di evita cierto  actitud inconscientemente.

Esaki ta e 5 eror mas comun den pareha.

 

1. Pensa of imagina cosnan cu no ta sosodiendo.

 

Bo por pensa cosnan cu no ta sosodiendo; y mas tanto hende muhe ta laga nan imaginacion bai creando fantasia den nan mente door di pensa cu si nan pareha tarda pa yega cas ta pasobra ta cu otro hende e ta, pero esey hopi biaha no ta e caso. E miho opcion cu un hende por hasi momento cu e ta sosopecha ta no hasi niun reclamo,  bo por empeora e situacion. Djis papia e asunto ora cu bo tin seguridad cu bo pareha ta infiel.

 

2. Ora bo ta conta bo cosnan priva di bo pareha ta cu otro hende.

 

Ora cu nos tin problema cu nos pareha, normalmente nos ta papia cu un hende cercano. Pero, toch esaki no ta un bon opcion, pasobra, maske e por ta un bon amigo/a, e no conoce boso relacion 100%. E miho cos cu bo por hasi ta papia di lo cual bo no ta gusta cu bo pareha.

 

3. Ora bo no ta aprecia bo pareha.

 

Otro fout comun den un relacion ta no aprecia kiko bo tin. Ora cu nos tin un hende cu ta permiti nos hasi kiko nos kier, nos tin e tendencia di kere cu semper e ta bai ta asina, pero na cierto momento esey por rementa. Ta importante cu aki aya bo por corda bo pareha con importante cu e ta pabo.

 

 

4. Ora bo no ta duna espacio.

 

Tur hende mester tin su mesun espacio. Bo por hasi hopi cos cu bo pareha, pero tambe ta hopi importante cu cada un ta hasi cosnan apart. tambe e ta yuda na duna un rosea na e relacion y pa e no bira monotono.

 

5. Menasa cada rato cu bo ta bai laga bo pareha.

 

Nos por tin e impulso di kier kibra cu nos pareha door cu algo cu no ta na nos agrado.  Cu esaki bo mester tin hopi precaucion pasobra si bo ta bise sin cu bo kier, bo pareha por tume na serio. Evita di bisa cada rato cu bo kier bandona e relacion.

Click Logo

IMG_6447.jpg